Ինտրանետը որպես ընկերությունների ներքին հաղորդակցության հզոր գործիք:

Այսօրվա արագընթաց զարգացող բիզնես միջավայրում արդյունավետ ներքին հաղորդակցությունն անհրաժեշտություն է: Ընկերությունները գիտակցում են հաղորդակցման արդյունավետ ուղիների կարևորությունը՝ ներքին համագործակցությունը, աշխատակիցների ներգրավվածությունը և կազմակերպության հաջողությունը խթանելու հարցում: Առկա բազմաթիվ գործիքների շարքում ինտրանետը ներքին հաղորդակցության բարելավման ամենաարդյունավետ գործիքներից մեկն է:

Ի՞նչ է ինտրանետը:

Ինտրանետը ներքին, անվտանգ ցանց է, որը հասանելի է միայն կազմակերպության աշխատակիցներին: Այն ծառայում է որպես տեղեկատվության փոխանակման, աշխատանքային հոսքերի կառաւվարման և համագործակցությունը խթանելու կենտրոնացված գործիք: Ի տարբերություն այլ կապի միջոցների՝ ինտրանետը նախագծված է հատուկ ներքին օգտագործման համար՝ ապահովելով աշխատակիցների հասանելիությունը կարևոր տեղեկատվության և գործիքների, որոնք անհրաժեշտ են իրենց ամենօրյա աշխատանքի համար:

Ներքին հաղորդակցության համար ինտրանետ օգտագործելու առավելությունները։

1. Կենտրոնացված տեղեկատվության հասանելիություն. ընկերությունների առջև ծառացած ամենամեծ մարտահրավերներից մեկը աշխատակիցների համար անհրաժեշտ տեղեկատվությանը անխափան հասանելիություն ապահովելն է: Ինտրանետը հանդես է գալիս որպես բոլոր համապատասխան տվյալների և ռեսուրսների մեկ ընդհանուր աղբյուր՝ ներառելով ամեն ինչ՝ սկսած ընկերության քաղաքականությունից և կազմակերպչական թարմացումներից մինչև ուսումնական նյութեր և ծրագրային ռեսուրսներ: Սա նվազեցնում է տեղեկատվության որոնման վրա ծախսվող ժամանակը և նվազագույնի է հասցնում թերի հաղորդակցության ռիսկը: Ըստ ՄըքՔինզիի՝ աշխատակիցներն ամեն օր միջինում ծախսում են 1,8 ժամ (շաբաթական 9,3 ժամ) տեղեկատվություն փնտրելու և հավաքելու համար: Կենտրոնացնելով ռեսուրսները՝ ինտրանետը կարող է զգալիորեն կրճատել անարդյունավետ գործողությունների վրա ծախսվող ժամանակը:

2. Ներկազմակերպական համագործակցություն. ժամանակակից ինտրանետը հագեցած է այնպիսի գործիքներով, ինչպիսին են չատերը, ֆորումները և ընդհանուր օգտագործման առցանց փաստաթղթերը: Այս գործիքները աշխատակիցներին հնարավորություն են տալիս աշխատելու համատեղ՝ անկախ գտնվելու վայրից: Սա հատկապես կարևոր է այսօրվա հիբրիդային և հեռավար աշխատանքային միջավայրերում, որտեղ հետադարձ կապը հիմնականում առցանց է:

3. Աշխատակիցների ներգրավվածություն բարձրացում. ինտրանետը կարող է ծառայել որպես հարթակ աշխատակիցների ձեռքբերումները խրախուսելու, ընկերության նորություններով կիսվելու և հետադարձ կապ պահպանելու համար: Ստեղծելով ընդհանուր գաղափարի շուրջ կենտրոնացած մարդկանց համայնք՝ ինտրանետն օգնում է աշխատակիցներին կապվածություն զգալ իրենց կազմակերպության առաքելությանն և արժեքներին, ինչը կարող է հանգեցնել ավելի բարձր ներգրավվածության և արտադրողականության բարձրացման: Gallup-ի հետազոտությունն ընդգծում է, որ ներգրավված աշխատակիցները 21%-ով ավելի արդյունավետ են աշխատում՝ ընդգծելով ներքին հաղորդակցությունը հեշտացնող գործիքների կարևորությունը։

4. Հաղորդակցության բարելավում. ինտրանետը վերացնում է էլփոստի երկար շղթաների և մասնատված հաղորդագրությունների անհրաժեշտությունը: Հանդիսանալով կենտրոնացված հարթակ հայտարարությունների, նախագծերի թարմացումների և թիմային հաղորդակցության համար՝ այն ապահովում է համընդհանուր տեղեկացվածություն և համահունչ աշխատանք։

5. Անհատականացում և մասշտաբայնություն. ժամանակակից ինտրանետը հարմարեցված է ընկերությունների պահանջներին, ինչը թույլ է տալիս հարմարեցնել այն՝ կազմակերպության հատուկ կարիքները բավարարելու համար: Քանի որ ընկերությունները աճում են, ինտրանետը կարող է մասշտաբավորվել՝ ավելի մեծ թիմեր և ավելի բարդ աշխատանքային հոսքեր տեղավորելու համար:

   
   

   

Ինչու՞ ընտրել ինտրանետը․ հիմնական նկատառումներ։

Թեև ինտրանետի առավելությունները ակնհայտ են, դրա հաջողությունը կախված է ճիշտ իրականացումից: Ահա մի քանի նկատառումներ այն ընկերությունների համար, ովքեր ցանկանում են ներդնել այս համակարգը կամ բարելավել իրենց ինտրանետը.

• Օգտագործման հարմար ինտերֆեյս. վատ նախագծված ինտրանետը կարող է հակաարդյունավետ լինել: Առաջնահերթություն տվե՛ք ինտուիտիվ նավիգացիային ու էջերի կիրառելիությանը և համոզվե՛ք, որ աշխատակիցները կարող են արագ գտնել այն, ինչ իրենց անհրաժեշտ է:

• Ինտեգրում. ձեր ինտրանետը պետք է հեշտությամբ ինտեգրվի ձեր ընկերության օգտագործած այլ գործիքների և ծրագրային ապահովման հետ, ինչպիսին են Հաճախորդների հետ հարաբերությունների կառավարման (CRM) համակարգերը, նախագծերի կառավարման հարթակները և HR գործիքները:

• Հետադարձ կապի մեխանիզմ. շարունակաբար հետադարձ կապ խնդրե՛ք աշխատակիցներից՝ հասկանալու համար, թե ինչն է աշխատում և ինչը՝ ոչ, և համապատասխանաբար կատարե՛ք բարելավումներ:

Գործնական օրինակներ։

Շատ խոշոր ընկերություններ հաջողությամբ ինտեգրել են ինտրանետը՝ փոխակերպելու իրենց ներքին հաղորդակցությունը: Օրինակ՝ Unilever-ի ինտրանետը՝ MyHR-ը, ոչ միայն թույլ է տալիս աշխատակիցներին հեշտությամբ հասանելիություն ունենալու HR ռեսուրսներին, այլև հեշտացնում է անհատականացված հաղորդակցությունը՝ հարմարեցված ընկերության հատուկ կարիքներին:

Եզրակացություն։

Ինտրանետն ավելին է, քան պարզապես փաստաթղթերի պահպանման համակարգ. Այն դինամիկ գործիք է, որը կարող է բարելավել հաղորդակցությունը, խթանել համագործակցությունը և աշխատակիցների ներգրավվածությունը: Ներդնելով հզոր ինտրանետ՝ ընկերությունները կարող են ունենալ ավելի տեղեկացված և արդյունավետ աշխատուժ, ինչը կարևոր առավելություն է այսօրվա մրցակցային բիզնես լանդշաֆտում: